ဗုဒ္ဓဘာသာဇစ်မြစ် ( ၂ )

ထိုသို့သော အထက်ပါ အကြောင်းအရာတို့ကို ဆက်လက် ဆန်းစစ် တူးဆွကြည့်သောအခါ ဤသို့တွေ့ရမည်ဖြစ်၏။ ပါရမီတော်ဆယ်ပါးကို ဖြည့်ကျင့်ရခြင်း၏ အကြောင်းရင်းသည် ကရုဏာတော်ကြောင့်ဖြစ်၏။ ဖြည့်ကျင့်ရခြင်း၏ရည်ရွယ်ချက်ကား ၃၁ ဘုံရှိ ဘုံသူဘုံသား အားလုံးတို့ကို ကယ်တင်ရေးဖြစ်၏၊တနည်းဆိုသော် ကယ်ဆယ်လိုသောမေတ္တာဖြစ်၏။ အမှန်စင်စစ် ထိုအကြောင်းနှင့် ထိုရည်ရွယ်ချက်သည် ဗုဒ္ဓဘာသာဖြစ်ပေါ်လာရခြင်း၏ ဇစ်မြစ်ပင်ဖြစ်တော့၏။ သို့ဆိုလျှင် အသင်စာဖတ်သူသည် ဗုဒ္ဓဘာသာ၏မူရင်းဇစ်မြစ်သည် ကရုဏာတော်နှင့် သုံးဆယ့်တစ်ဘုံသားတို့အား ကယ်တင်လိုရေး မေတ္တာဖြစ်ကြောင်း ကောင်းကောင်းသဘောမိလောက်ပေပြီ။ ထိုမူရင်းအကြောင်းနှစ်ချက်တွင် နံပါတ်တစ်အချက်ဖြစ်သည့် ကရုဏာအကြောင်းကို ဦးစွာပထမ ဆွေးနွေးလို၏။ ရှင်းပြချင်၏။ စင်စစ်ဧကန် အမှန်အားဖြင့် ကရုဏာဟူသည် ခေတ်ကာလတိုင်းတွင် အသုံးဝင်သော၊ ဘယ်ခေတ်ဘယ်ကာလမှာမဆို မည်သူမဆို အသုံးပြုပါက အသုံးပြုသူရော အပြုခံရသူပါ နှစ်ဖြာနှစ်ဘက်အကျိူးကျေးဇူးများလှသော မဟာသြသဓမည်သည့် ကြီးစွမြတ်စွ ဆေးတစ်ပါးပင်တည်း။ ထို့ကြောင့် ကမ္ဘာ့သမိုင်းကို အကြမ်းဖျင်းအားဖြင့် ပြန်လည်ကြည့်ရှုလျှင် ထိုကရုဏာ၏တန်ဘိုးသည် အဖိုးဖြတ်၍မရသောလူသားလောက၏ ငြိမ်းချမ်းရေး တိုးတက်ရေး အမြုတေဖြစ်ကြောင်း ကောင်းကောင်းသိနိုင်၏။ သာဓကထုတ်ဆိုရသော် ကရုဏာကင်းမဲ့သော သူများကြီးစိုးသောခေတ်ဝယ် လူ့လောကြီး ပူဆွေး လောင်ပွက် မတိုးတက်ဘဲ ဆုတ်ယုတ်ပျက်ဆီးခဲ့၏။ ၁၈ ရာစုကာလ ဥရောပတိုက်တွင် တန်ခိုးထွားလှသော စစ်ဘုရင် နပိုလီယံ၏ ကရုဏာကင်းမဲ့မှုကြောင့် လူသားအများအပြား သေကျေပျက်စီး မဟာသောကမီး ပွါးခဲ့ရသကဲ့သို့ သူကိုယ်တိုင် ( နပိုလီယံ ) သည်လည်း ပျက်ဆီးခဲ့ရသည်မှာ ဥရောပသမိုင်းတွင် အထင်အရှားဖြစ်၏။ ထို့ပြင် ဂျာမဏီမှ နာဇီ ဟစ်တလာ၊ အီတလီမှ မူဆိုလိုနီနှင့် အခြားထင်ရှားသော သာဓကများစွာရှိ၏။ ဗုဒ္ဓဘာသာစာပေတွင်လည်း ကရုဏာကင်းမဲ့လှသော ဆရာဆိုး ဒေဝဒတ်၏ညွှန်ကြားချက်ကြောင့် ဖခင်ဘုရင်ဗိမ္ဗိသာရကို ကရုဏာမဲ့စွာသတ်ဖြတ်ခဲ့သော အဇာတသတ်သည် လောဟကုမ္ဘီငရဲသို့ ကျရောက်ခဲ့ရ၏။ ဆရာဒေဝဒတ်မှာကား အဝီစိသို့ကြွရောက်နန်းစံရချေ၏။ မြန်မာ့သမိုင်းတွင်လည်း သာဓကများစွာရှိပါ၏။ သို့သော်ဤနေရာနှိုက်(စာမရိုတ်ပါ၍ သီးခံဖတ်ပေးပါရန်) မဖေါ်ပြလိုပါ။ထို့ကြောင့် မိသားတစ်စု၊ အဖွဲ့အစည်းတစ်ခု၊နိုင်ငံတစ်နိုင်ငံအနေဖြင့် ဝရုန်းသုန်းကား ပရမ်းပတာဖြစ်ပျက်နေလျှင် ထိုမိသားစု၊ထိုအဖွဲ့အစည်း၊ထိုနိုင်ငံသည် ကရုဏာအားနည်းမှု သို့မဟုတ် ကင်းမဲ့မှုဖြစ်နေပြီဟု အကြမ်းဖျင်းအားဖြင့်ကောက်ချက်ချနိုင်ပါ၏။ အထူးအားဖြင့် ဘုရားအလောင်းတော်၏ဖြစ်စဉ်ဇာတ်တော်များကိုလေ့လာကြည့်သောအခါ အလောင်းတော်သည် လောကဓံဆိုး ခေတ်ဆိုးများကိုကြုံတွေ့ရသော်လည်း သူ၏စစ်မှန်သော ကရုဏာအရင်းခံစိတ်ထားကြောင့် အောင်မြင်ငြိမ်းချမ်းခဲ့သည်ကိုသာတွေ့ရမည်ဖြစ်၏။ တစ်ဖန် မိမိတို့နေ့စဉ် ရင်ဆိုင်ကြုံတွေ့နေရသော လူမှုဘဝ၊ မိသားစုဘဝ၊ ဆက်ဆံရေးဘဝမှအစ နယ်ပယ်အသီးသီးတွင်လည်း ကရုဏာအရေးပါလှကြောင်း သတိပြုကြည့်ရှုပါက အထင်အရှားသိနိုင်ပေမည်။ မိသားတစ်စုတွင် ကရုဏာပြည့်ဝနေပါက ထိုကရုဏာကိုအခြေခံသော မိသားစုသည် မလိုလားအပ်သော ပြဿနာများကို ရှောင်ရှားနိုင်မည်မှာ မုချဆတ်ဆတ်မလွဲပင်ဖြစ်ချေ၏။ အဖွဲ့အစည်း၊နိုင်ငံတို့တွင်လည်း ထို့အတူပင်ဖြစ်၏။ ထို့ကြောင့်ကရုဏာသည် အချိန်ကာလ နေရာဒေသ ပုဂ္ဂိုလ်မရွေး အရေးကြီးလှကြောင်းမှာ ထင်ရှားလှ၏။ တစ်ဖန် ကရုဏာကြီးစိုးလွှမ်းမိုးသောခေတ်ဝယ် လူ့လောက သာယာငြိမ့်ငြောင်း ပြောင်းလဲတိုးတက်၍ ပျော်မွေ့ဘွယ်ရာ နတ်တို့ရွာကဲ့သို့ခံစားခဲ့ရသည်များလည်း အထင်အရှားရှိခဲ့၏။ ရှိနေဆဲ။( အချို့နိုင်ငံများ၊မိသားစုများ၊အဖွဲ့အစည်းများ ) ဆက်လက်ရှိနေရန်လည်း ဆန္ဒပြုမိ၏။ မိမိခေါင်းထဲဝင်လာသည့်အချက်အလက်တို့ကိုကြားဖြတ်ရေးနေသည့်အတွက် ကရုဏာ၏ မူရင်းအဓိပ္ပါယ်ကို ဆွေးနွေးရန် နှောင့်နှေးမိပါ၏။ ယခုဆက်လက်တင်ပြပါအံ့။ ထိုဗုဒ္ဓဘာသာ၏ မူလဘူတ ဇစ်မြစ်တစ်ခုဖြစ်သောကရုဏာသည် သနားခြင်း ဟုအဓိပ္ပါယ်ထွက်၏။သို့သော် ထိုသနားခြင်း ကရုဏာသည် အားနည်းသူ နိမ့်ကျသူကိုတွေ့လျှင် ဖြစ်ပေါ်လာတတ်သော သာမာန်သနားခြင်းကရုဏာမဟုတ်၊ ထိုသနားခြင်းမျိူးကို လူသားအများစုရော အချိူ့သောတိရစ္ဆာန်များအပါအဝင် ခံစားတတ်ကြ၏။ ပွါးများနိုင်ကြ၏။ စင်စစ်ကား ဗုဒ္ဓဘာသာ၏ဇစ်မြစ် အနှစ်ကရုဏာဟူသည် မဟာကရုဏာ ပင်ဖြစ်ချေ၏တကား။ ထိုကရုဏာဟူသော ပုဒ်ကို သို့မဟုတ် စကားလုံးကို ပါဠိစာပေတွင်ဤသို့ ဝိဂြိုဟ်ပြုဖွင့်ဆိုပါ၏။